بحب
النيل يراقص في دواخلي الريد
يرمم
كسرتي الجواي يفك القيد
يعرقل
مشيتك يالخوف
يطمن
حرقة جوا الجوف
يمشط شعرك المنتوف
يفك
أسر القليب مكتوف
يدوزن
بكية الايقاع
علي
وتر البنية الضاع
يقوله
الارض مابتنباع
يعيد
الغنوة للخدًاع
يوزع
ريده للمقهور
ويجبر
خاطر المكسور
لانه
الريح بكت بالجور
وسوق
الدين وبيع الزور
وقتل
الروح وشرب الدم
زرعت
القيفة جوا الهـم
سرقت
الرملة من اليــم
وتتراجل
تقول حـرًم !
جعولية
ومزارعك دم
بدير
دهمش شروك بي كم !
تبايع
فيك شكرية وتقولك تم
شوارعك
ماهي دغرية وتضج بالهم
يقولك
شايقي حنية ويسيح دم
يهمهم
جوا ريح الزيف
حنسرق
كـم ؟ حنسرق كـم ؟
حليل
النيل مراكبية بتناديك ذم
وتتراجل
تقول حـرًم !
سرقت
الرملة من اليم !
عليك
القيفة ثم النيل
تخلي
السرقة وأحلام جيل
عليك
الريدة والازميل
تسيب
العوجة تمشي عديـل
سرقت
الرملة من اليـم
وتتراجل
تقول حرًم !!!
يجيك
السيل يشمًت فوقك الرملة
يهد
الحيل تكسًر مشيتك عتله
سرقت
الرملة من اليم !!
وتتراجل
تقول حرًم
بتبكيك
امك العاقر
تقولك
ياحكم جائر
بسوي
القهوة جمب القيف
عشان
اسقي الغريب والضيف
بسايس
كل يوم في الريح
عشان
وطنا قليبو جريح
لاهمهمت
شان أسرق
ولاغرًبت
شان أشرق
بنوم
صحيانة باالوجعة
بشوف
القوة في الفزعة
وفي
السجدة المع الركعة
وبريد
الله وكلام الله
بريد
الظلمة تتجلي
بأذًن
ضحكة كل صباح
وبتصدق
بدون أفراح
بحب
النيل
يراقص
في دواخلي الريد
يرمم
كسرتي الجواي
يفــك
القيد
No comments:
Post a Comment