جوا
البنيه الضايعه في وسط الحروف
بهواكي
قوة وانهزام بهواكي خوف
موجودة
جواي انعدام ساكناني جووف
واندملي
في جوا العصب
شدي الوتر
وانعزفي مقطوعه غضب
اتوسدي
الحزن المهشم بالتعب
وانا
مرتعش من هدهدة ريدك معاي
اسكّت
فيهو بالغنوه واطمن فيهو من الجاي
اقوله
ابوك مجرّح تب ومابكاي
ابوك
القوة مابتتعب ابوك الناي
دي كانت
ريدته طوريه
بتنبش في
حكم ظالم وساديه
اكانت
ايده محنيه
من المنجل
من السجده المزارعيه
تشوف
عينيه تتحداك
تقولك
قاسيه حنيه
يسوقك
مركبا وداك
بلد
بالظلم محميه
بكيتله
حزن اكان اداك
قلم رصاص
وعيديه
وقال لك
في الكتاب ارسم
جزاير
خضرا مسقيه
وغني
الريده ماتكتم
سحاب
الظلم وهميه
وعلّي
الصوت وماتكضم
صراخك
واعلن النيه
وقول
للعاقر الكتام
بريدك
انتي حريه
عقم
تفكيرك الهدام
زرع جواك
ظلاميه
ابوي
القوه مابتتعب ابوي الناي
ابوي
الكان مجرّح تب ومابكاي
ابوي
النخوه يارعديد وكان ضواي
بريد
النجمة عررريانه
بتتراقص
مع الضلمه
بريد
المشيه حفيانه
بتتكلم عن
العتمه
ابوي
بيعشق السكره
وحكالي عن
المراكبيه
وقال لي
ان درت للفكره
اعرف
الريده زنجيه
